sálmurinn um blómið

afi minn er káwboj.
hann hefur stundum oggiponsi áhyggjur af dótturdóttur sinni mér.
hann segir að ég breyti reglum eftir því sem mér henti og að ég sé stundum svoldið fljótfær og verði og fljótt ástfangin og svo ýmislegt annað sem mætti týna til.
eitt situr samt í mér
" Sigga mín, ég held að vandinn þinn sé að þú hafir áhuga á öllu"
ég held að þetta sé bara alveg satt hjá honum afa mínum, ég hef áhuga á öllu sköpuðu og það kemur mér oft í koll því ég vil læra og kunna og geta svo mikið og jafnvel byrja á því en fylgi því ekki eftir. þannig ég veit oggipons og kann ofurlítið í hinu og þessu. ég er svona ein af þeim sem mun aldrei vita allt um eitthvað heldur bara brot og brot af hinu og þessu. ég gleymi alltaf einum stað eða manneskju eða ártali eða bara punchlínunni, en svona í stórum dráttum tel ég mig hafa það...
þetta er eitthvað sem ég spái reglulega í. það er nefnilega ekki hægt að læra allt og vita allt enda hef ég enga þolinmæði í slíkt, ég vil bara fá helstu upplýsingar á silfurfati helst í formi dvd myndar og þá er ég nokkuð góð...
en já, pæling.
einn daginn ætla ég að bjarga heiminum, hinn daginn ætla ég að græða peninga , hinn að ferðast og svo hinn að verða ástfangin...
kannski róast ég með aldrinum, er það ekki alltaf þannig?

í kvöld fór ég með ÖnnuK minni á myndina Börn sem Vesturport hópurinn var að gera. Afbragðs góð mynd sem ég vil hvetja fólk til að sjá. Þetta er vel gerð íslensk bíómynd með fínum leik í og auðvitað fallegasta karlmanni Íslandssögunar, honum Gísla í aðalhlutverki.

ég vil þakka mbl fyrir mig og þetta framlag þeirra til íslenskrar kvikmyndagerðar.
nú er bara að skella sér í bíó, ungir sem aldnir!
ég heillast mjög af silfurtjaldinu og bíómyndagerð og í sumar fékk ég smjörþefin af því hvernig svona vinna fer fram... ég læt vita þegar nafnið mitt kemur í sjónvarpinu, engvar áhyggjur þar.
en já, sálfræðingurinn sem hætti aldrei að læra því hún vissi ekki hvað hún vildi gera í lífinu...

ég er þreytt og bulla bara.

endilega startið comment rökræðum, ég hef einstaklega gaman að því.
þetta er stutt blogg að sinni, það ætti að skemmta einhverjum sem hafa kvartað undan of löngum pistlum.
ég ætla með pabba á kvikmyndahátíðina annað kvöld, hef samt ekki ákveðið hvað verður fyrir valinu, einhverjar tillögur?

ég og sönsjæn elduðum víetnamska kjúllasúpu um daginn, mjög auðveld í gjörð, bara sjóða vatn, skella einum kjúlla kraft tenging út í, láta það blandast, setja eina matskeið af soja sósu út í soðið. skella allsberum kjúllanum út í þetta soð (gott að skera hann í teninga), smá engifer út í með. leyfa þessu svo að malla. sjóða hrísgrjónanúðlur og servera með.
skellt öllu saman í skál, mæli með að setja núðlur fyrst og svo hella súpunni yfir. yfir þetta er svo stráð grænum ferskum chili, koríander og myntu.
fljótlegt og svo hollt og gott!
mæli með þessu svona í haustin°!

ég finn að það er ný saga að fæðast innra með mér...hmmm...
alveg rétt, ég er að leggja niður jólagjafir til vinkvenna og ætla gera stærri afmælisgjafir í staðinn, einhver á móti?

siggadögg
-gísli var hálfnakinn í myndinni, i will have sweet dreams tonight-